Жирэмсний болон амаржсаны тэтгэмж гэдэг нь нийгмийн даатгал төлөгч иргэн жирэмсний болон амаржсаны улмаас тодорхой хугацаанд хөдөлмөр эрхлэх боломжгүй болсон үед нийгмийн даатгалын сангаас нэг удаа олгодог мөнгөн тэтгэмж юм.
Тэтгэмж авах эрх, нөхцөл
Даатгуулагч иргэн дараах нөхцөлийг хангасан тохиолдолд жирэмсний болон амаржсаны тэтгэмж авах эрхтэй. Үүнд:
-
Жирэмсний чөлөө авахын өмнөх 12 сараас доошгүй хугацаанд тэтгэмжийн даатгалын шимтгэл төлсөн байх
-
Үүнээс сүүлийн 6 сар шимтгэлийг тасралтгүй төлсөн байх
Мөн дараах тохиолдолд тэтгэмж олгоно:
-
Эх хүүхдээ 196 хоногоос доошгүй хугацаанд тээж төрүүлсэн
-
Дутуу төрүүлсэн, жирэмслэлтийг эмнэлгийн аргаар тасалсан
-
196 хоног хүрээгүй боловч амьдрах чадвартай хүүхэд төрүүлсэн
-
Хүүхдээ асрах чөлөөтэй байх хугацаандаа дахин хүүхэд төрүүлсэн
Тэтгэмж бодох хувь хэмжээ
Жирэмсний болон амаржсаны тэтгэмжийг даатгуулагчийн жирэмсний амралт авсан сарын өмнөх шимтгэл төлсөн сүүлийн 12 сарын цалин хөлс, түүнтэй адилтгах орлогын дунджаас 100 хувиар тооцон олгодог.
-
Энгийн төрөлтийн үед 120 хоног
-
Ихэр хүүхэд төрүүлсэн тохиолдолд 140 хоног
Тэтгэмж бодох хугацаанд нийтээр тэмдэглэх баярын өдөр тохиолдсон бол тухайн өдрийг ажлын өдөртэй адилтган тооцно.
Жишээ тооцоолол
Сарын дундаж ажлын өдрийг 21 гэж үзвэл:
-
Нэг өдөрт ногдох орлого:
1,200,000 төгрөг ÷ 21 = 57,143 төгрөг -
Тэтгэмж олгох хоног:
84 өдөр + 3 баярын өдөр = 87 өдөр -
Олговол зохих тэтгэмж:
57,143 төгрөг × 87 өдөр = 4,971,441 төгрөг
Сэтгэгдэл бичих