2025-2026 оны хичээлийн жилийн бүтцийг шинэчлэн баталж, бие даалт, цахим сургалт, амралтыг хослуулсан онцлог зохион байгуулалттай болгожээ.
Шинэчилсэн хуваарийн дагуу:
-
I улирлын амралт – 12 дугаар сард
-
II улирлын амралт – 4 дүгээр сард
-
III улирлын амралт – 6 дугаар сард
байхаар товлосон байна.
Тодруулбал, сурагчид гуравдугаар сарын 31-нийг хүртэл танхимаар хичээллээд, дараагийн нэг долоо хоногт бие даалт буюу цахимаар суралцаж, үүний дараа дараагийн долоо хоногт амрах зохицуулалттай аж.
Аймаг, сум, багийн ерөнхий боловсролын сургуулийн амралтын хуваарь нийслэлтэй ижил байх боловч цаг уурын нөхцөл, мал төллөлтөөс хамааран 30–32 дахь долоо хоногийн амралт, бие даалтын үйл ажиллагааг 29–31 дэх долоо хоног руу шилжүүлэх боломжтой юм байна.
Мөн бие даалтын долоо хоногийг аравдугаар сар болон гуравдугаар сарын сүүлийн долоо хоногт зохион байгуулахаар төлөвлөж, эдгээр хугацааг хичээллэх хугацаанд тооцох аж.
Түүнчлэн хичээлийн жилийн 18 дахь долоо хоногт 10-12 дугаар ангийн сурагчдыг цахимаар хичээллүүлэх зохицуулалт хийжээ.
Сэтгэгдэл бичих