Дэлхийн чансааны оноо олгох жүдо бөхийн “Тбилисийн их дуулга” тэмцээн энэ сарын 20-22-ны өдрүүдэд Гүрж улсын Тбилиси хотод болно.
Тус тэмцээнд Монголын шигшээ багийн тамирчид ахлах дасгалжуулагч У.Эрдэнэбаатарын удирдлага дор оролцох бөгөөд МУГТ Ц.Цогтбаатар, Л.Энхрийлэн тэргүүтэй нийт есөн тамирчин өрсөлдөхөөр өнөөдөр эх орноосоо мордлоо.
Эрэгтэйчүүдийн –60 кг-ын жинд Б.Сүхбат, Н.Мэндсайхан, –66 кг-д ДАШТ-ий хүрэл медальт К.Ёолк, Ө.Жанцандорж, –73 кг-ын жинд Олимпын хүрэл медальт, дэлхийн аварга МУГТ Ц.Цогтбаатар нар хүч үзнэ.
Харин эмэгтэйчүүдийн –48 кг-д А.Мишээл, –57 кг-д өсвөрийн дэлхийн аварга М.Цэндбазар, –63 кг-д ДАШТ-ий хошой хүрэл медальт МУГТ Л.Энхрийлэн, –78 кг-д Ж.Урангоо нар барилдах юм.
Сэтгэгдэл бичих