Ойрхи Дорнодын бүс нутагт байгаа монгол иргэдэд зориулан Гадаад харилцааны яамнаас мэдэгдэл гаргажээ. Үүнд, Монгол Улсын Засгийн газрын шийдвэрийн дагуу МИАТ ТӨХК-иас Ойрхи Дорнодын улсад байгаа иргэдэд зориулж Улаанбаатар-Дубай-Улаанбаатар чиглэлийн нислэгийг 2026 оны гуравдугаар сарын 10-ны өдөр үйлдэхээр төлөвлөж байгаа тул нислэгийн тийз худалдан авах болон нислэгтэй холбоотой бусад асуудлаар 11-333999 лавлах утас, cc@miat. com цахим шуудан, 94001476 вайбер дугаараар холбогдож мэдээлэл авна уу гэлээ.
Ташрамд, Ойрхи Дорнодод Монгол Улсын 400 гаруй иргэн байгаа бөгөөд тэдний тал хувь нь эх орондоо ирэх хүсэлт гаргасан бөгөөд Монгол Улсын Засгийн газар иргэдээ татан авах бүхий л боломжийг хайна гэдгээ мэдэгдсэн. Энэ дагуу Дубай руу ийнхүү нислэг үйлдэхээр болжээ.
Сэтгэгдэл бичих