Хиймэл оюун ухаанаар бүтээгдсэн deepfake дүрс бичлэгүүд интернэт орчинд эрчтэй тархаж, үнэн бодит мэдээллийг танихад хүндрэл учруулж эхэллээ. BBC Verify, MIT Media Lab, Adobe зэрэг байгууллагуудын мэдээлснээр, AI бичлэгүүд тодорхой нийтлэг шинжээрээ жинхэнэ бичлэгээс ялгагддаг бөгөөд хэрэглэгчид эдгээрийг ажигласнаар бодит эсэхийг тодорхойлох боломжтой байна.
Нүүрний хөдөлгөөн бодит бус харагддаг нь AI-ийн гол сул тал
Судалгаагаар deepfake бичлэгүүдэд:
-
нүдний анивчлалт хэт тогтмол эсвэл огт анивчихгүй,
-
уруулын хөдөлгөөн авиатай тохирохгүй,
-
нүүрний жижиг булчингийн илэрхийлэл тасалдах,
-
хацар, ам, хөмсөгний микро-реакц бодит бус
гэдэг нь нийтлэг ажиглагддаг. MIT-ийн туршилтаар AI засвар орсон бичлэгүүдийн 70 гаруй хувь нь lip-sync алдаатай байсан байна.
Гэрэл, сүүдрийн зөрчлийг AI сайн дуурайж чаддаггүй
AI дүрс бичлэгүүдэд:
-
нүүр–гар–хүзүүний өнгө таарахгүй,
-
гэрэл тусах өнцөг, сүүдрийн хэлбэр логикгүй хувирдаг,
-
үсний ирмэгт хиймэл гэрэл үүсдэг
зэрэг физикийн хувьд боломжгүй алдаанууд гардаг. Adobe CAI-ийн мэргэжилтнүүдийн хэлснээр deepfake алгоритмууд орчны гэрлийн бодит тархалтыг бүрэн тооцдоггүй.
Толгой, биеийн хөдөлгөөн жингийн логикгүй
Deepfake бичлэгүүдийг таних өөр нэг арга бол хөдөлгөөн:
-
толгой хэт тогтуун, эсвэл эсрэгээр хэт савлах
-
үс хиймэл мэт “хөвөх”
-
мөр, гар, хурууны хөдөлгөөн нүүрний илэрхийлэлтэй синкгүй
→ Хүний хөдөлгөөнд жин, инерци, динамик давтагдашгүй байдлаар илэрдэг бол AI үүнийг бүрэн хуулбарлаж чаддаггүй.
Metadata: Жинхэнэ эх сурвалж нотлох баримттай байдаг
Бодит бичлэгүүд:
-
төхөөрөмжийн загвар
-
авсан өдөр, цаг
-
эх хувийн кодчилол
зэрэг мэдээллийг хадгалсан байдаг бол, AI бичлэгийн ихэнц нь metadata-гүй эсвэл синтетик байдлаар үүсгэсэн байдаг. Adobe болон C2PA-ийн баталгаажуулалтын системүүд ийм мэдээллийг нягтлах боломж олгодог.
AI-г таних тусгай системүүд олон нийтэд нээлттэй болжээ
Мэргэжлийн байгууллагууд дараах илрүүлэгч системийг ашиглаж байна:
-
Intel FakeCatcher — арьсны микровенийн импульсээр deepfake илрүүлдэг (98% нарийвчлал)
-
Microsoft Video Authenticator
-
Hive.ai Deepfake Detector
-
Reality Defender
-
Deepware Scanner
Эдгээр технологи бичлэгийн пиксел, хөдөлгөөн, өнгөний тархалт, дуу–дууны давтамжийг алгоритмаар шалгадаг.
Мэргэжилтнүүдийн үзэж буйгаар AI-ийн хөгжлийг даган бодит ба хиймэл контентын зааг улам бүдгэрч байгаа тул:
-
сэтгүүлчид,
-
олон нийтийн мэдээллийн байгууллагууд,
-
хэрэглэгчид
бичлэгийн эх сурвалц, метадата, хөдөлгөөн, гэрэлтүүлэг зэрэг үндсэн шалгуурыг ашиглан агуулгын үнэн бодит байдлыг нягтлах шаардлагатай болж байна. Мөн deepfake илрүүлэгч системүүд хэвлэл мэдээллийн салбарт шинэ стандарт болж эхэлжээ.
-
BBC Verify
Сэтгэгдэл бичих