Эмээлт эко аж үйлдвэрийн парк” ХК-ийн захиалгаар Хот төлөвлөлт, судалгааны институт ОНӨААТҮГ-нь “Хан-Уул дүүргийн 20 дугаар хорооны нутаг дэвсгэр үйлдвэрийн хэсгийг дахин төлөвлөх барилгажилтын төсөл”-ийг гүйцэтгэж Нийслэлийн Ерөнхий Архитектораар батлуулсан бөгөөд уг төслийг танилцуулах уулзалт өнөөдөр боллоо.
Уулзалтад :Нийслэлийн Хот байгуулалт, хотын стандартын газар, Хот төлөвлөлт, судалгааны институт, Хан-Уул дүүргийн ЗДТГ, Хан-Уул дүүргийн 20 дугаар хорооны Засаг дарга, Монголын арьс ширний үйлдвэрлэлийн холбоо, Хан-Уул дүүргийн сууц өмчлөгчдийн холбоонууд болон иргэдийн төлөөлөл оролцсон юм.
Төслийг: Хот төлөвлөлт, судалгааны институтийн Ерөнхий инженер Б.Лхагвасүрэн танилцуулж төслийн оролцогч талууд санал, зөвлөмж өгч хэлэлцлээ.
Төсөлд: Арьс ширний үйлдвэрүүд Эмээлт эко АҮП-т нүүн шилжсэний дараагаар үйлдвэрийн нутаг дэвсгэр хэсгийг дахин төлөвлөн иргэдийн амьдрах орчныг сайжруулж, ногоон байгууламж болон нийгмийн цогц үйлчилгээг бүрдүүлсэн төлөвлөлтийн шийдлийг боловсруулсан байна.
Төлөвлөлт, хөгжүүлэлтийн газар
2025.12.08
Сэтгэгдэл бичих