“Жаст групп” ХХК Стандарт банкнаас нийт 109 сая ам.долларын зээл авсан талаар бид мэдээлсэн.
Энэхүү зээлээ хугацаанд нь төлөөгүйтэй холбогдуулан Стандарт банк нь 2013 оны долоодугаар дугаар сард Лондонгийн Олон улсын Арбитрын шүүхэд хандан 109 сая ам.долларын зээлийн гэрээнд хамаарах 86,950,000 ам.долларыг баталгаа гаргасан гэсэн үндэслэлээр “Эрдэнэт үйлдвэр” ХХК-аас нэхэмжилсэн түүх эхэлсэн билээ.
Улмаар Лондонгийн Олон улсын Арбитрын шүүх гурван жилийн дараа буюу 2016 оны тавдугаар сард шүүх хуралдааныг явуулж, “Эрдэнэт үйлдвэр” ХХК нь “Жаст групп” ХХК-д баталгаа гаргасан гэж үзэж, 50,988,425.60 ам.долларын төлбөрийг Өмнөд Африкийн Стандарт банкинд төлүүлэхээр шийдвэрлэсэн. Энэ хэрэгтэй холбогдуулж С.Баяр, Жастын Батхүү, Алтжингийн Алтан, Мөн Дубайн гэрээтэй холбогдуулан Ерөнхий сайд асан М.Сайханбилэг, О.Энхсайхан гэх зэрэг хүмүүсийг АТГ мэдүүлэг, байцаалт аваад байгаа билээ. Тэгвэл сүүлийн өдрүүдэд иргэд зарим улс төрчдийн зургийг ийнхүү нас барсан мэт болгож эсэргүүцлээ илэрхийлж байгаа аж.
Сэтгэгдэл бичих