Ерөнхий сайд У.Хүрэлсүх С.Амарсайханыг Нийслэлийн засаг даргаар батламжилжээ

НИТХ-ын ээлжит VII хурал өчигдөр болж, Нийслэлийн Засаг дарга бөгөөд Улаанбаатар хотын захирагчийг томилох тухай асуудлыг хэлэлцэн шийдвэрлэсэн.
НИТХ-ын санал хураалтанд 45 төлөөлөгч оролцож, нууцаар санал өгснөөс С.Амарсайхан 25 төлөөлөгчийн санал авч, Нийслэлийн засаг дарга бөгөөд Улаанбаатар хотын захирагчаар сонгогдсон билээ.
Тэгвэл өнөөдөр Монгол Улсын Ерөнхий Сайд У.Хүрэлсүх Нийслэлийн засаг дарга бөгөөд Улаанбаатар хотын захирагчаар сонгогдсон С.Амарсайханыг батламжилжээ.
Дашрамд дурьдахад Ерөнхий Сайд У.Хүрэлсүх өмнө нь НИТХ-ын төлөөлөгчдийн олонхийн санал авч байсан С.Мөнхчулууныг батламжлалгүй 24 хонож байжээ.