2025 оны 9-р сарын 1. Пёньян / Бээжин – Хойд Солонгосын удирдагч Ким Чен Ун Пёньянаас Бээжин чиглэлд өөрийн өндөр хамгаалалттай, тусгай зориулалтын галт тэргээр аялж эхэллээ. Тэрээр энэ удаад Хятад улсад болох Дэлхийн II дайнд Японы бууж өгснөөс хойш 80 жилийн ойг тэмдэглэх томоохон цэргийн парадад оролцохоор ирж байгаа юм.
Энэхүү арга хэмжээнд Хятадын дарга Си Жиньпин, ОХУ-ын Ерөнхийлөгч Владимир Путин зэрэг дэлхийн олон улсын удирдагчид хамтдаа оролцох бөгөөд энэ нь геополитикийн хувьд “анти-Өрнөдийн” хүчний томоохон илэрхийлэл гэж шинжээчид үзэж байна.
Ким Чен Ун олон улсын айлчлалдаа уламжлал ёсоор хуягласан, өндөр аюулгүй байдлын тусгай галт тэрэг ашигладаг. Тус галт тэргэнд унтлагын өрөө, хурлын танхим, ресторан, эмнэлгийн тусламжийн хэсэг, бүр хамгаалалттай автомашины агуулах хүртэл багтдаг гэж өмнө нь хэвлэлүүд мэдээлж байв.
Шинжээчдийн үзэж буйгаар энэ айлчлал нь Ким Чен Уны 2011 оноос хойш Хятад улсад хийж буй анхны томоохон айлчлал бөгөөд Хойд Солонгос, Хятад, ОХУ-ын харилцааг бэхжүүлэх стратегийн алхам юм.
Эх сурвалж: reuters, APN news
Сэтгэгдэл бичих