Сөүл – Өмнөд Солонгосын парламент 2025 оны 8-р сарын 27-нд сурагчид сургуулийн анги танхимд гар утас болон ухаалаг төхөөрөмж ашиглахыг хориглох хуулийг баталлаа. Шинэ хууль нь 2026 оны 3-р сараас эхлэн улс даяар хэрэгжиж эхлэхээр төлөвлөгдсөн байна.
Хуульд зааснаар бүх дунд болон ахлах сургуулийн танхимд гар утас хэрэглэхийг бүрэн хориглох бөгөөд зөвхөн сургалтын зайлшгүй шаардлага, эсвэл тусгай хэрэгцээтэй сурагчдад ашиглах боломжийг үлдээжээ.
Энэхүү шийдвэрийг дэмжигчид сурагчдын сургалтын анхаарлыг төвлөрүүлэх, цахим донтолт болон сэтгэлзүйн дарамтыг бууруулах зорилготой хэмээн тайлбарлаж байна. Судалгаагаар Өмнөд Солонгосын сурагчдын 37 хувь нь гар утаснаас удаан хугацаагаар хол байх үедээ сэтгэл гутралд ордог, 22 хувь нь нийгмийн харилцаанд сөрөг нөлөө үзүүлдэг гэжээ.
Гэсэн ч зарим эцэг эх, сурагчид энэ шийдвэрийг эсэргүүцэж, гар утсыг бүрэн хориглохын оронд хязгаарлалттай ашиглах бодлого хэрэгжүүлэх боломжтой гэж үзэж байгаа аж.
Шинэ хууль хэрэгжсэнээр Өмнөд Солонгос нь сургуулийн орчинд гар утас хэрэглэхийг хуульчилж хориглосон дэлхийн цөөн улс орны нэг болох юм.
эх сурвалж: reuters
Сэтгэгдэл бичих