Вашингтон, 2025.08.19 – АНУ-ын ерөнхийлөгч Дональд Трамп, Украины ерөнхийлөгч Володимир Зеленский нар Цагаан ордонд уулзаж, Украины аюулгүй байдал, дайныг зогсоох хэлэлцээний талаар ярилцлаа. Уулзалтад Европын зарим удирдагчид ч оролцож, хамтын байр сууриа илэрхийлэв. Уулзалтаар Украинд олон улсын түвшинд бат бөх аюулгүй байдлын баталгаа олгох, НАТО-ийн “Article 5”-тай төстэй зарчим бүхий хамгаалалтын тогтолцоо бий болгох саналыг талууд онцолсон байна.
Мөн ерөнхийлөгч Трамп Украин, ОХУ-ын удирдагч Владимир Путинтэй гурвалсан уулзалт хийх санал дэвшүүлж, энхийн хэлэлцээний замыг эрэлхийлэхээ илэрхийлэв. Зеленский энэ саналыг хүлээн авч, уулзалт хийхэд бэлэн гэдгээ мэдэгдсэн боловч Кремль албан ёсоор хариу өгөөгүй байна. Европын удирдагчид Украины тусгаар тогтнолыг хамгаалах, дайн зогсоох хэлэлцээг урагшлуулахын төлөө хамтран ажиллах байр сууриа илэрхийлжээ. Хэдийгээр уулзалтын үеэр тодорхой энхийн гэрээ байгуулагдаагүй ч Украинд олон улсын эвсэл дэмжлэг үзүүлэхийн зэрэгцээ энхийн хэлэлцээг эхлүүлэх чухал алхам боллоо гэж ажиглагчид дүгнэж байна.
Бэлтгэсэн: Т.Саранцэцэг
Сэтгэгдэл бичих