Эмээлт Эко Аж үйлдвэрийн парк БНХАУ-д зохион байгуулагдсан ‘Хамтарсан шинжлэх ухаан, технологийн уулзалтад оролцлоо.
Тодруулбал, БНХАУ-ын Хэбэй мужийн Шиньжи хотод зохион байгуулагдсан Эдийн засгийн чөлөөт бүс, арьс шир боловсруулах үйлдвэрүүдийн үйл ажиллагаатай танилцах, сайн туршлага судлах ажлын хүрээнд “Хамтарсан шинжлэх ухаан, технологийн уулзалт” хурал зохион байгуулагдсан.
Энэ хуралд ХХААХҮЯ, Хүнс, хөдөө аж ахуй, хөнгөн үйлдвэрийн судалгаа хөгжлийн төв, Эмээлт эко аж үйлдвэрийн парк, МАШҮХ, Арьс ширний үйлдвэрүүдийн төлөөллүүд оролцож салбар, холбоо болон төслийн үйл ажиллагаа арьс шир боловсруулах үйлдвэрүүдийн өнөөгийн байдлын талаарх танилцуулга, мэдээлэл өгч талууд харилцан санал солилцлоо.
Уулзалт хурлын үеэр Монголын Арьс Шир Үйлдвэрлэлийн Холбоо нь БНХАУ-ын Шиньжи хотын Эдийн засгийн чөлөөт бүсийн удирдлагын төв, Жингжинжи технологи, инновацын үндэсний төвтэй “ГУРВАН ТАЛТ СТРАТЕГИЙН ТҮНШЛЭЛИЙН ГЭРЭЭ”-г байгууллаа. “ГУРВАН ТАЛТ СТРАТЕГИЙН ТҮНШЛЭЛИЙН ГЭРЭЭ” хамтын ажиллагааны хүрээнд парк дахь арьс ширний үйлдвэрүүдийн үйл ажиллагаа, арьс шир боловсруулахтай холбоотой технологийн судалгаа, боловсруулалт, хамтарсан лаборатори байгуулах, стандарт боловсруулах, хүний нөөцийг бэлтгэх зэргээр өргөн хүрээнд хамтран ажиллана гэж Төлөвлөлт, хөгжүүлэлтийн газраас мэдээллээ.
Сэтгэгдэл бичих