ХСҮТ-ийн ерөнхий захирал Ц.Батболд захирлын зөвлөлийн гишүүд, холбогдох мэргэжилтнүүдийн хамт эмнэл зүйн тасгуудаар тойролт хийж, үйл ажиллагаатай нь танилцаж дууслаа.
Тус эмнэлэгт хийгдэж буй томоохон хэмжээний их засварын ажлуудад тавих хяналт, шаардлагыг өндөржүүлж хугацаанд нь чанартай дуусгах болон 4-р эмнэлгийн байранд нүүн шилжсэн амбулаторийн зарим кабинет, хими, хөнгөвчлөх, сэргээн засах эмчилгээний тасгууд болон төв байранд ажиллаж буй мэс засал, туяа эмчилгээ, дүрс оношилгооны тасгууд, лаборатори, ариутгал халдваргүйтгэл, эм зүйн алба, цахим бүртгэлийн хэсгийн ажлуудтай танилцаж, тусламж үйлчилгээнд тулгамдаж буй асуудлууд, нэн түрүүнд авч хэрэгжүүлэх арга хэмжээнүүдийн талаар тасгийн эмч, сувилагч нартай ярилцаж, санал солилцлоо.
Эмнэл зүйн тасгуудын тойролтоор яригдсан асуудлуудын багагүй хэсэг нь дотоод менежмент, ажлын уялдаа холбоогоо сайжруулах, мэдээллээ хуваалцаж, ойлголцсноор шийдэгдэх боломжтой байгааг ерөнхий захирал Ц.Батболд Batbold Tseleejav чухалчлан хэллээ.
Түүнчлэн тусламж үйлчилгээний хүлээгдэл, чирэгдлийг бууруулах, судалгаа шинжилгээ, сургалтыг эрчимжүүлэх талаар хийгдэж буй ажлуудыг үргэлжлүүлж, зарим нэн даруй нэвтрүүлж, нутагшуулах шаардлагатай шинэ технологиудтай холбоотой тулгамдсан асуудлуудыг эхэлж шийдвэрлэхэд онцгой анхаарна гэдгээ мэдэгдэв.
Сэтгэгдэл бичих