МУ-ын сайд ЗГХЭГ-ын дарга: С.Бямбацогт: Хөгжилд хөтлөх хүнд үйлдвэрүүд

Түүхий эдийг анхан шатнаас нь гүн боловсруулж, нэмүү өртөг шингээсэн бүтээгдэхүүн болгон боловсруулах үйлдвэр технологийн парк, цогцолбор барьж байгуулах зорилт Засгийн газрын үйл ажиллагааны хөтөлбөрт тусгагдсан.
Энэ хүрээнд:
Kокс-химийн цогцолбор,
Жоншны хүдэр боловсруулах цогцолбор,
Барилгын материал үйлдвэрлэлийн цогцолбор зэрэг хүнд үйлдвэрүүдийг ашиглалтад оруулахыг зорьж, газрын асуудлыг Засгийн газрын хуралдаанаас эцэслэн шийдвэрлэж, улсын тусгай хэрэгцээнд авлаа.
Үүнд:
1. Хэнтий аймгийн Бор-Өндөр сумын нутаг дэвсгэрт Бор-Өндөрийн жоншны орд, Баргилтын төмрийн хүдрийн орд болон бүс нутгийн бусад ордуудын нөөцөд тулгуурлан байгуулагдах Бор-Өндөр үйлдвэрлэл, технологийн паркийн “Жонш боловсруулах цогцолбор”-ын 762.8 га газар,
2. Сэлэнгэ аймгийн Орхон, Сайхан сумдын нутаг дэвсгэрт байгуулагдах Хөтөл үйлдвэрлэл, технологийн паркийн “Барилгын материал, үйлдвэрлэлийн цогцолбор”-ын 145.88 га газар,
3. Өмнөговь аймгийн Цогтцэций сумын нутаг дэвсгэрт Эрдэнэс Тавантолгой ХК-ийн нүүрс угаах үйлдвэрт тулгуурлан байгуулагдах Тавантолгой үйлдвэрлэл, технологийн паркийн “Кокс-химийн цогцолбор”-ын 1410.8 га газар.
Ингэснээр үйлдвэрлэл, технологийн парк байгуулах газрын асуудал бүрэн шийдвэрлэгдлээ. Мөн төрийн өмчийн ордуудын үнэ цэнийг нэмэгдүүлэх, нэмүү өртөг шингэсэн эцсийн бүтээгдэхүүн үйлдвэрлэх замаар улс орны нийгэм, эдийн засагт өндөр өгөөж бий болгох стратегийн ач холбогдолтой юм