Хаашаа ч юм юунд ч юм үргэлж бухимдаж яарч явдаг хүмүүс амиа дэнчинд тавин давхиж яваагаа ойлгоосой. Хөдөө орон нутагт хурдны хязгааргүй давхиж, өөрийгөө болон өрөөлийн амь насаар бооцоо тавин яарч яваа жолооч та нэгийг бодож хоёрыг тунгаана бизээ. Зам тээврийн ослын талаар сэрэмжлүүлэх нөлөөллийн аян их өрнөдөг ч иргэдийн хайхрамжгүй байдлаас үүдэж ослын тоо буурахгүй амь нас, эрүүл мэндээрээ хохирсоор байна.
2025 оны эхний хагас жилийн байдлаар 12926 тохиолдол бүртгэгдсэн. Үүнээс 9354 тохиолдол Улаанбаатар хотод, үлдсэн 3572 осол орон нутагт бүртгэгджээ. Харин энэ оны эхний хагаст зам тээврийн ослын улмаас нийт 207 нас барснаас орон нутагт 154 хүн орон нутагт бүртгэгдсэн байна. 12926 осол аваараас хэдэн хүн тахир дутуу болж, насаараа шаналж амьдрах бол?
Танд дээрх мэдээлэл тоо баримт шиг харагдаж байгаа ч цаана нь олон өнчрөл хагацал, шаналал нуугдаж байгаа. Нэг үеэ бодоход жолооч нар аюулгүйн бүсээ зүүж хэвшсэн байна. Харин тээврийн хэрэгслээр зорчиж буй та бүсээ зүүж хэвшээрэй. Жолоочийн хажуу суудалд суусан, мөн арын суудалд яваа та ч бүсээ зүүгээрэй. Хэлж ирдэггүй хийсэж ирдэг гай ч бий. Харин хийсэж ирдэг гай гэдэг нь замын хөдөлгөөний дүрмээ биелүүлдэггүй гэрлээ шилжүүлдэггүй, хурдаа тохируулдаггүй жолооч та болох нь ээ. Бусдын эрүүл мэнд өөрийн аюулгүй байдлын төлөө, хайртай хүмүүсийнхээ төлөө замын хөдөлгөөний дүрмээ биелүүлэхийг хүсэж байна.
Наадам дөхөж бүгд шахуу орон нутгийг зорьдог энэ цаг үеэр болгоомжтой байж, шөнө оройн цагаар, ядарсан үедээ жолоо барихгүй байх, хамгийн чухал зүйл бол хурд бол үхэл гэдгийг уншигч танд сануулъя.
Сэтгэгдэл бичих