Гэр бүл, хөдөлмөр, нийгмийн хамгааллын сайд Л.Энх-Амгалан ипотекийн зээл олголтын нөхцөлийн талаар өнгөрсөн гуравдугаар сарын 27-нд мэдээлэл өгөхдөө тус хөтөлбөрийг дөрөвдүгээр сарын 20-ноос өмнө эцэслэж, олон нийтэд зарлана гэсэн юм.
Тэгвэл товлолт хугацаагаар ипотекийн зээлийн шинэчилсэн хөтөлбөрийг энэ долоо хоногт зарлана.
1.2 ИХ НАЯДЫН САНХҮҮЖИЛТИЙН ИХЭНХ ХУВИЙГ БАЙР ОГТ АВЧ БАЙГААГҮЙ ГЭР БҮЛД ОЛГОХООР ТООЦООЛЖЭЭ
Ипотекийн зээл 400-500 орчим тэрбум төгрөгийн хүртээмжтэй байсан. Одоо дахин 500 гаруй тэрбумыг нэмэхээр нэг их наяд төгрөг болж байгаа. Үүнтэй холбоотойгоор тус зээлд хамрагдах хүсэлтэй иргэдийн оочер нэмэгдсэн. Хуучин 24-36 сар оочерлодог байсан бол одоо ипотект хамрагдах иргэд 48 сар хүртэлх хугацаанд оочерлодог болсон. Тиймээс албаныхан ипотекийн зээлд зарцуулах 1-1.2 их наяд төгрөгийг зорилтот хүмүүст хүргэхээр судалж байгаагаа мэдээлсэн. Бусдыг нь бол зах зээлийн зарчимд нийцсэн хүүгээр арилжааны банкуудтай ярилцаж, дундын хувилбарыг гаргаж ирж ер нь л иргэдийн орлогод нийцсэн орон сууцны бүтээгдэхүүнийг гаргаж ирэхээр судалж байгаа гэсэн юм.
Ипотекийн хөтөлбөрийг орой зарлаж байгаа нь барилгын нийлүүлэлттэй уялдаж байгаа аж. Уялдаа холбоотой хөтөлбөрөө зарлахгүй бол өмнө нь гаргасан алдаагаа давтах эрсдэлтэйг албаныхан хэлж буй. Тодруулбал, өмнө нь ипотекийн зээлийн хүүг бууруулсан ч иргэдийн төлөлт буураагүй. Жишээ дурдвал ипотекийн зээл найман хувийн хүүтэй байхад зээл авсан иргэд сард 400-600 мянган төгрөг байсан. Зургаан хувь болгож бууруулахаар уг нь тэр төлж байсан мөнгө багасах ёстой. Гэтэл барилгын метр квадратын үнэ нэмэгдэж, иргэдийн зээлийн сарын төлөлт дээр 100-150 мянган төгрөг нэмэгдсэн. Энэ бол бодит жишээ. Товчхондоо иргэд хохирч, барилгын компаниуд хожсон гэсэн үг. Тиймээс барилгын компаниудад зориулсан ипотек хийж болохгүй учир энэ жил хөтөлбөрийн судалгааг сайтар хянуур хийж байгааг Ерөнхий сайдаар ахлуулсан Баялгийн сан, орон сууцжуулалтын үндэсний хороо байгуулагдсан. Үндэсний хорооноос мэдээлсэн.
Ипотекийн гол зорилго бол ард иргэдээ аль болох орон сууцжуулах бодлого явах ёстой. Ерөнхийдөө өмнө нь орон сууц авч байгаагүй байр анх удаа авч байгаа хүмүүст ипотекийн зургаан хувьтай зээл олгохоор судалж байгаа аж.
Тийм учраас эрэлт, нийлүүлэлт хоёр хоорондоо уялдах төлөвлөлт хийх ёстой. Үүнийг хангаж ажиллахын тулд Үндэсний хороо байгуулж, Барилга хот байгууллатын яам, нийслэл нөгөө талаас Баялгийн сан, хуримтлалын сангаар санхүүжүүлэх гэж байгаа мөнгүүдийг зөв төлөвлөж явах хэрэгтэйг Үндэсний дэд хорооноос мэдэгдсэн.
эх сурвалж: news.mn
Сэтгэгдэл бичих