Төгрөг нуурын орд 250 сая доллароор гадаадын хөрөнгийн бирж дээр зарагдсан гэх баримт ил гарч олон нийтийг цочроов. Үүний ард женко байгаа гэх хардлага улам бүр нийгэмд лавширч байна. Анх 2016 онд Хасын Ганхуяг түүнийг оффшортой холбоотой гэж мэдэгдэж байлаа. Харин өнөөдөр асуудал бүүр гүнзгийрч байна. Бид буруутанд хариуцлага тооцох биш сошиалаар сэвээд өнгөрдөг. Энэ удаагийн явдал тэр зам руу битгий явчихаасаа.
Төгрөг нуурын ордын хувь эзэмшигч Л.Дүгэржавын охин Д.Болорсүрэн хэлэхдээ Аавд 2008 оны сонгуулиар Х.Баттулга 150 сая төгрөг өгчхөөд гурван сарын дараа Маргааш энэ мөнгөө өг. Эсвэл 20 хувиа ӨГ гэж хэлсэн гэж хэвлэлээр мэдэгдлээ. Тэгвэл Л.Дүгэржав нь нарийн системийн залилангийн илбэд ховсдуулсан байж болох уу. Өнөөдрийг хүртэл Монгол улсад 17 чингэлэг спиртийг ус болгон хувиргасан нэг л хүчтэй илбэчин байдаг.
Мөн ерөнхийлөгч асныг татвар төлөхөөс зайлсхийсэн, мөнгө угаасан, авлига, ашиг сонирхлын зөрчил үүсгэсэн байж болзошгүйг сайд Н.Учрал ил тод мэдэгдсэн. Түүнд улсын хурлын залуу гишүүд болох Дамдинням, Ганхуяг, Энхбаяр нар хүч нэмлээ.
Хариуд нь Баттулгын өмгөөлөгч Д.Пүрэвбаатар нь сайд Н.Учрал, гишүүн Г.Дамдинням нарыг гүтгэлээ хэмээн хуулийн байгууллагад хандаж буйгаа илэрхийлсэн нь нөхцөл байдлыг улам хурцатгаж байна. Төгрөг нуур бол зүгээр нэг орд биш, харин улс төр, эдийн засгийн чухал ач холбогдолтой стратегийн 39 ордын нэг юм.
Чанцалын Бэлгүүтээ
Сэтгэгдэл бичих