Францын Ерөнхийлөгч Эммануэль Макрон түрэмгийлэгч улс Украины энгийн иргэд рүү дайралт хийсний дараа эрс хатуу мэдэгдэл хийжээ. Тэрбээр Украинд Оросын эзлэн түрэмгийлэгчид үргэлжилсэн пуужин, нисгэгчгүй онгоцоор цохилт өгсний улмаас энгийн иргэд, тэр дундаа хүүхдүүд амь насаа алдаж байгаа нь Кремль АНУ-ын Ерөнхийлөгч Дональд Трампын энхийн саналыг үл тоож байгаагийн бас нэгэн нотолгоо гэсэн байна.
Францын тэргүүн ОХУ хэдий болтол АНУ, Украины энхийн саналыг үл ойшоож, хүүхдүүд болон бусад энгийн иргэдийг хөнөөсөн хэвээр байх вэ? олон нийтийн сүлжээн дэх X хуудсандаа бичжээ.
Түрэмгийлэгч тал гал зогсоох гэрээнд гарын үсэг зурахаас татгалзаж, цаг хожихыг хичээж байгаа бол Украины тал АНУ-ын ерөнхийлөгчийн 30 хоногийн гал зогсоох саналыг болзолгүйгээр хүлээн авсан гэж Францын удирдагч тэмдэглэсэн байна. Макрон гал зогсоох хэлэлцээрийг аль болох хурдан байгуулах ёстой гэж хэлээд, хэрвээ ОХУ үүнийг эсэргүүцсээр байвал түүний эсрэг шийдвэртэй арга хэмжээ авахыг уриалжээ. Францын Ерөнхийлөгч Украины үндэсний гашуудлын өдөр Оросын эзлэн түрэмгийлэгчдийн халдлагын золиос болсон Украины хүүхдүүд болон бүх энгийн иргэдтэй хамт байна гэж мэдэгдсэн байна.
Ж.Бат
Эх сурвалж: dialog.ua
Сэтгэгдэл бичих