Амь үрэгдсэн цэргийн асуудлаар Батлан хамгаалахын сайд Н.Энхболд тайлбар хийлээ.
Дорноговь аймгийн Зүүнбаян дахь хурандаа Зэвсэгт хүчний 336 дугаар ангид 19 настай цэрэг амиа алдсан хэрэг уржигдар гарсан талаар бид өмнө мэдээлсэн. Энэ хэргийн талаарх Батлан хамгаалахын сайдын тайлбар хийлээ. Тэрээр “Ийм хэрэг гарсан нь үнэн. Манайхаас шалтгааныг нь тодруулахаар ажлын хэсэг явсан. Орон нутгийн цагдаа хэргийг шалгаж байгаа” гэв.
–Хал цэргүүд нь шинэ цэргээ дарамталдаг, зоддог асуудал байдаг. Энэ дээр ямар арга хэмжээ авдаг юм бэ?
-Зоддог, дарамталдаг асуудал байгаа бол баримттай нь бидэнд өг. Хамаагүй худлаа ярьж болохгүй. Тийм зүйл байх ёсгүй.
Харин цагдаагийн байгууллагаас энэ хэргийн талаар тодруулахад ЦЕГ-ын Хэвлэл мэдээллийн төвийн мэргэжилтэн М.Мөнхшүр:
–Энэ хэрэг дээр ямар нэгэн гадны нөлөө байхгүй гэсэн урьдчилсан дүгнэлт гарсан. Үхлийн шалтгааныг нарийн тогтоохоор эсийн шинжилгээний хариуг хүлээж байна.
-Талийгаач цэргийн биед үүссэн хөхрөлтийн зураг нийгмийн сүлжээнд тархаад байгаа. Энэ гаднын нөлөөнөөс болсон гэмтэл бэртэл биш гэж үү?
-Цогцост хүүрийн толбо гэдэг зүйл үүссэн. Хүн нас барсны дараа цусны эргэлт байхгүй болж, дээш харуулж хэвтүүлэхэд доошоо буюу нуруу руу нь цус юүлэгддэг гэв.
Батлан хамгаалахын сайд болоод ЦЕГ-ын албан хаагчийн өгч буй мэдээллээс үзвэл нас барсан цэргийн үхлийн шалтгаан хараахан тодорхой болоогүй байна.
Сэтгэгдэл бичих