ОХУ-ын 72 настай ерөнхийлөгч Владимир Путин энэ долоо хоногт Сибирийн алслагдсан уулсын дунд байрлах ордондоо нууцаар зочилсон сурагтай. Энэхүү ордон нь цөмийн дайны үед ашиглаж болох цахилгаан станцтай асар том газар доорх бункертэй бөгөөд тав тухыг хангасан тансаг засал чимэглэлтэй гэж DAILY MAIL агентлаг мэдээлэв. Мөн зочилж буй шалтгаануудын нэг нь Путин өөрийн хүч чадлыг сайжруулж, хөгшрөлтийг удаашруулахын тулд залуу бугын цусанд орохоор очсон гэжээ. Энэ арга нь эртний эрүүл мэндийг сайжруулах толь бичигт байдаг бөгөөд эрэгтэй хүний хүч чадлыг сайжруулдаг гэж үздэг байна.
Тодруулбал, Путины Нисдэг Кремль нэртэй хувийн онгоц нэгдүгээр сарын 13-нд Сибирийн дээгүүр нисч байхдаа радарын дэлгэцээс алга болж, нэгдүгээр сарын 15-нд дахин гарч ирсэн. Энэ нь түүнийг Бүгд Найрамдах Алтай дахь Алтайн ордондоо очсоныг илтгэж байна гэж ажиглагчид үзсэн юм. Түүний очсон газрынх нь ойролцоо бугын ферм байдаг бөгөөд цусыг нь авч, эрүүл мэндийн зан үйлд ашигладаг гэх яриа гарах болжээ.
Үүгээр ч зогсохгүй, Путины хоёр хүүг төрүүлсэн гэгдэх гимнастикч асан Алина Кабаева тус ордонд удаа дараа зочилсныг батлах бүс нутгийн оршин суугчид байдаг аж. Үүний хүрээнд нэгдүгээр сарын 13-нд Кабаева Путинтэй хамт Алтай дахь нууц ордон очсон гэв. Путины нууц эдлэн газар нь Алтайн Бүгд Найрамдах Улсын нийслэлээс 135 милийн зайд алслагдсан газар байрладаг бөгөөд Хятад, Монгол, Казахстан улстай хиллэдэг.
Сэтгэгдэл бичих