ТОП 100 ААН жагсаалтын нэгт Оюутолгой ХХК, хоёрт үндэсний хувийн хэвшлийн Энержи Ресурс ХХК жагсжээ.
Өнөөдөр Монгол улсын Засгийн газар болон Монголын Үндэсний Худалдаа Аж Үйлдвэрийн танхим хамтран нийгэм, эдийн засгийн хөгжилд бодитой хувь нэмэр оруулж буй “ТОП-100 аж ахуйн нэгж”-ийг зарлаж, өргөмжилсөн байна.
Тус жагсаалтыг:
Нэгдүгээрт: Оюутолгой компани
Хоёрдугаарт: Үндэсний хувийн хэвшлийн Энержи Ресурс ХХК
Гуравдугаарт: Хаан банк тус тус тэргүүлжээ.
2023 онд Монгол улс 21.5 их наяд төгрөгийн татварын орлого төвлөрүүлсний 6.29 их наяд буюу 29%-ийг, ДНБ-ний 73% (50.4 их наяд) -ийг зөвхөн ТОП-100 ААН бүрдүүлжээ. ТОП-100 ААН-д манай улсын нийт ажиллагсдын 7% буюу 83.7 мянган хүн ажилладаг байна. Нийт ААН-үүдийн хэлбэрийг харвал 86% нь хязгаарлагдмал хариуцлагатай компани (ХХК) байгаа бол хувьцаат компани (ХК) 14% нь байна.
Монгол улсдаа борлуулалт, төлсөн татвар, даатгуулагчийн тоо, ашгийн хэмжээ, хөрөнгийн хэмжээгээрээ тэргүүлж улсынхаа хөгжил дэвшилд түлхэц болж байгаа ТОП-100 аж ахуйн нэгжүүддээ баяр хүргэе.
Мэдээллийн эх сурвалж: eguur.mn
Сэтгэгдэл бичих