Сүүлийн өдрүүдэд 2025 оны төсөв УИХ-ын гишүүдийн дунд халуухан сэдэв болж, Засгийн газрын зарим сайд нарын суудал ганхаж эхэллээ. Ерөнхий сайд Л.Оюун-Эрдэнэ 16 яам, 23 сайдаас бүрдсэн хамтарсан Засгийн газраа удирдаж байгаа ч төсвийн асуудлаас үүдэн олон нийтийн шүүмжлэлд өртөөд буй сайд нартаа хариуцлага тооцох шийдвэр гаргаж магадгүй байна.
2025 оны төсөв өргөн баригдаж, парламентын босго давсан ч эрх баригч болон сөрөг хүчний гишүүд урсгал зардлыг бууруулах шаардлага тавьж, Ерөнхий сайдыг төсвөө дахин хэлэлцэхийг шаардаж эхэлсэн. Үүний зэрэгцээ, Соёлын сайд Ч.Номин болон гадаад томилолттой явдаг гэх нэр зүүгээд буй Э.Одбаяр нарын талаарх шүүмжлэл дэгдэх болсон нь Засгийн газрыг бүрэн бүрэлдэхүүнээрээ огцрох эрсдэлд хүргэж болзошгүй гэж шинжээчид үзэж байна.
Сэтгэгдэл бичих