Энэ сарын 15-ны өдөр Баянзүрх дүүргийн нутагт орцны жижүүр ажлын байран дээрээ хоолойгоо хэрчүүлж бусдын гарт амиа алдсан аймшигт хэрэг гарсан. Эл аймшигт хэрэг Баянзүрх дүүргийн дөрөвдүгээр хороо “Монгол цэргийн музейн” хажуугийн нэгэн байранд болсон байдаг. Тухайн байранд орцны жижүүр ажилтай 67 настай эмэгтэйн хоолойг нь хэрчиж бүрэлгэсэн байсан талаарх дуудлага оройн 20:20 минутад ирсэн байна. Хэргийг урьдчилсан байдлаар хохирогчтой хамт архи уусан гэх 39 настай Л. үйлдсэн байж болзошгүй нөхцөл байдал тогтоогдсон. Гэмт хэрэгтэн хохирогчийн амийг хөнөөсөн даруй хэргийн газраас зугтсан байжээ. Хүн амины онц ноцтой хэргийн ммөрөөр Баянзүрх дүүргийн цагдаагийн хоёрдугаар хэлтсийн алба хаагчид шуурхай ажиллаж 12 цагийн дотор гэмт хэрэгтэнг дайчлан баривчилжээ.
Албаны эх сурвалжийн мэдээллээр сэжигтэн хохирогчтой танилцаж улмаар согтууруулах ундааны зүйл хамт уусныхаа дараа хэргийг үйлдэж, зугтаад дараа нь Чингэлтэй дүүргийн нутаг дэвсгэрт бусадтай хамт архидан согтуурч байх үеэр нь цагдаагийн бүрэлдэхүүн барьсан гэв.
Дээрхи гэмт хэрэг үйлдсэн этгээдэд Эрүүгийн хуулийн 10,1,2,1 дүгээр зүйлд зааснаар хүний амь насыг санаатайгаар онц хэрцгий аргаар бүрэлгэсэн гэх зүйл ангид хамааруулан яллах саналтайгаар шүүх рүү шилжүүлсэн байна.
Сэтгэгдэл бичих