УИХ-ын даргаар Д.Амарбаясгаланг сонголоо

УИХ-ын гишүүний тангарагаа өргөсөн гишүүд даргаа сонголоо. МАН-ын Удирдах зөвлөл Анхдугаар чуулган хуралдахын өмнө хуралдаж, Д.Амарбаясгаланг УИХ-ын даргад нэр дэвшүүлсэн юм. УИХ-ын гишүүдийн олонх нь Д.Амарбаясгаланг УИХ-ын даргаар сонгохыг дэмжлээ. Тэрээр парламентад анх сонгогдсон даруйдаа УИХ-ын даргаар сонгогдож буй анхны гишүүн болж байна. Н.Багабанди даргын хувьд бүгд шинээр сонгогдсон анхны парламентын даргаар сонгогдож байсан юм. Харин бусад нь УИХ-д хамгийн багадаа хоёр удаа сонгогдож УИХ-ын даргын албанд сонгогдож байлаа.

Мөн Д.Амарбаясгалан 1992 онд шинэ Үндсэн хуулиа баталж, байнгын ажиллагаатай парламенттай болсноос хойш 12 дахь УИХ-ын дарга болж байна.

1. Н.Багабанди
2. Р.Гончигдорж
3. Л.Энэбиш
4. С.Төмөр-Очир
5. Н.Энхбаяр
6. Ц.Нямдорж
7. Д.Лүндээжанцан
8. Д.Дэмбэрэл
9. З.Энхболд
10. М.Энхболд
11. Г.Занданшатар
12. Д.Амарбаясгалан

УИХ-ын дарга Д.Амарбаясгалангийн товч намтрыг танилцуулъя.

БОЛОВСРОЛ:

• 1998-Говь-Алтай аймгийн 10 жилийн 1 дүгээр дунд сургууль
• 2003-Шинжлэх ухаан технологийн их сургуулийн Холбоо мэдээллийн технологийн сургууль
• 2011-Монгол Улсын их сургуулийн Нийгмийн шинжлэх ухааны сургууль

АЖИЛЛАСАН БАЙДАЛ:

• 2000-2007 Соёмбо принтинг ХХК-ийн ерөнхий менежер, захирал
• 2007-2009 Монгол шуудан ТӨХК-ийн Маркетинг төлөвлөлтийн газрын дарга
• 2009-2012 Монгол Ардын Намын Хэрэг эрхлэх газрын Хэвлэл мэдээлэл, олон нийттэй харилцах хэлтсийн дарга
• 2008-2020 Нийслэлийн Иргэдийн Төлөөлөгчдийн Хурлын төлөөлөгч, тэргүүлэгч, бүлгийн дарга
• 2015-2016 Монгол Ардын Намын Сонгууль хариуцсан Нарийн бичгийн дарга
• 2016 оноос Монгол Ардын намын Ерөнхий нарийн бичгийн дарга
• 2022-2024 Монгол Улсын сайд, Засгийн газрын Хэрэг эрхлэх газрын дарга
• 2024.07.02-ноос УИХ-ын дарга