МАН-ын халаасны гэх ХҮН намынхан ээлжит сонгуулиар бие даасан болж харагдах гэж жүжиглэх аж. Хамгийн гол нь баруун төвийн үзэл баримтлалтай гэх тус намын дарга Т.Доржханд “Хүүхдийн мөнгийг нэг сая төгрөгөөс дээш орлоготой өрхөд өгөхгүй байх хэрэгтэй” хэмээснийг олон нийт сайн санаж байгаа байх. Уг нь аливаа нам, эвсэл, улстөрчид иргэдийнхээ орлогыг нэмэгдүүлэх тухай ярьж явдаг атал Т.Доржханд ийнхүү хоолноос нь хасах тухай ярьж явааг юу гэж үзэх вэ. Өнөөдөр Монгол Улсын нийгэм, эдийн засгийн байдал ямар байгаа билээ, иргэдийн ахуй амьдрал ямар байгаа билээ, мөнгөний ханш, өргөн хэрэглээний бараа бүтээгдэхүүний үнийн өсөлт ямар байгаа билээ гэхээр хэн ч толгой сэгсрэн халаглахаар байгаа.
Гэтэл Т.Доржхандын байр суурь, бодит амьдрал хоёр тэнгэр газар шиг алс харагдаж байна. Үнэнийг хэлэхэд хүүхдийн мөнгөөр амь зууж байгаа өрх айл олон байдгийг мэддэггүй бололтой. Арга ч үгүй. Амьдрал үзээгүй Т.Доржханд мэтийн цагаан гартнууд сан “тонох”-оос өөр зүйл мэдэхгүй л дээ. Тиймдээ ч тэр “Хүүхдийн мөнгө бол халамж гэдэг нь маш тодорхой. Халамжийг халамж хэрэгтэй хэсэгт нь өгөх ёстой. Хавтгайруулж болохгүй” хэмээн мөн л Хүүхдийн мөнгөнд халдсан байр суурийг илэрхийлж байж. Ийнхүү удаа дараа Хүүхдийн мөнгөнд халдсан баримт олон бий. Гэтэл нөгөө талаас тус намын Удирдах зөвлөлийн гишүүн Б.Мөнхсоёл хүүхдийн мөнгийг тодорхой хувьд нь олгохгүй, мөн тэтгэмж, халамжаас татгалзах тухай ярьсан бололтой.
Ямартай ч Монгол Улсын өнөөдрийн нийгэм халамж тэтгэмжгүй, хүүхдийн мөнгөгүй амьдарчихаар хангалуун биш гэдгийг захын хүн мэднэ. Гэтэл ХҮН нам, Т.Доржханд иргэдийн амин зуулгыг булаах тухай бодлого ярьж байж иргэдээсээ “Манай нам, намайг сонгоод өгөөч” хэмээн гуйж явааг бүр ч ойлгох юм алга. Хэрвээ ХҮН нам, Т.Доржхандад итгэл үзүүлбэл Таны Хүүхдийн мөнгийг өгөхгүй зогсоох нь тодорхой байр сууриудыг хүргэсээр байна. ХҮН намын байр сууриас харахад хэрвээ эрх мэдэл өгвөл хүүхдийн мөнгө болон халамж, тэтгэмжийг зогсоох нь ойлгомжтой бодлого барьж байгаа бололтой.
Сэтгэгдэл бичих