Булган аймгийн Сэлэнгэ сумын Тариахтай багийн ‘Харлагийн гол’ гэдэг газар гурван зорчигчтой ‘Портер’ загварын автомашин ‘Сэлэнгэ’ голын усанд унасан байж болзошгүй байгаа тухай мэдээлэл аймгийн Цагдаагийн газраас өчигдөр өдрийн 12:53 цагт Онцгой байдлын байгууллага хүлээн авчээ.
Тус аймгийн Онцгой байдлын газрын Гал түймэр унтраах, аврах 50 дугаар ангийн алба хаагчид 134 км замыг туулан 14:56 цагт очиж ‘Портер’ загварын автомашинтай иргэн 47 настай, эрэгтэй С, 47 настай, эмэгтэй О, зургаан настай, эрэгтэй Б нарыг ‘Сэлэнгэ’ гол, ‘Харлагын голын адаг’ гэдэг газраас зүүн зүгт ‘Номт’ гэдэг газар хүртэл 8 км-т усаар завьтай урсаж, түүнчлэн голын эрэг дагуу явганаар эрэн хайх ажиллагааг зохион байгуулсан ч үр дүнд хүрээгүй байна. Иймээс эрэн хайх ажиллагааг мөн өдрийн 18:49 цагт түр зогсоогоод өнөө өглөө 08:00 цагт дахин эхлүүлжээ.
Сэтгэгдэл бичих