Засгийн газрын өнөөдрийн хуралдаанаар Зүүнбаян-Ханги чиглэлийн төмөр замын төслийн явцын талаар мэдээлэл сонсож, Ерөнхий сайд зарим үүрэг чиглэл өгчээ. Энэ талаар Ерөнхий сайдын хэвлэлийн төлөөлөгч Ч.Болортуяа мэдээлэл өглөө.
Тэрээр Шинэ сэргэлтийн бодлогын төсөл арга хэмжээний гуравдахь жагсаалтад Зүүнбаян-Ханги чиглэлийн төмөр замын төсөл бичигдсэн. Монгол Улсын Засгийн газрын 2022 оны нэгдүгээр сарын 12-ны өдрийн тогтоолоор Зүүнбаян-Ханги чиглэлийн төмөр зам төслийн шууд гэрээ байгуулахыг Төрийн худалдан авах ажиллагааны газарт даалгасан. Үүний дагуу Төрийн худалдан авах ажиллагааны газар ажлын хэсэг байгуулан ажиллаж байна. Энэ зам ашиглалтад орсноор нүүрс, төмрийн хүдэр тээвэрлэх зай 318 километроор богиносож, тээвэрлэлтийн өртөг буурах юм. Хамгийн гол нь төмөр замын экспортын шинэ суваг нээгдэх ач холбогдолтой. Өнөөдрийн хуралдаанд Ерөнхий сайд уг төслийг гуравдугаар сард эхлүүлж 10 дугаар сард дуусгах үүрэг чиглэл өглөө.
Сэтгэгдэл бичих