Ерөнхий сайдын чиглэлийн дагуу ЗГХЭГ-ын дарга Г.Зандашатар сайд, тагнуул, цагдаагийн тусгай, дотоодын цэргийн бүрэлдэхүүнтэйгээр Дундговь аймагт аймгийн прокурорын хяналтын дор тусгай ажиллагаа зохион байгуулсан тухай мэдээллийг орон нутгаас авлаа.
Тодруулбал, тус аймгийн Гурван сайхан сумын нутагт дэвсгэрт орших Зүүн болон Салхитын ордыг 2043 он 2047 он хүртэлх ашиглалтын тусгай зөвшөөрлүүдийг цуцалсан байна. Монгол улсын хууль тогтоомжуудыг зөрчсөн, татвараа нуун дарагдуулсан, худлаа мэдээлсэн, авилга хээл хахуулийн хэрэгт орооцолдсон Хятадын 100 хувийн хөрөнгө оруулалттай компанийн Хятад удирдлагууд нь хөрөнгө оруулалт дээрээ маргаж хууль, шүүхийн байгууллагад нөлөөлөхийг завдаж жилийн турш маргаантай явж буй. Зарим эх сурвалжуудын мэдээлж буйгаар 1,3 сая долларын хахуулийн мөнгөний хэрэгтэй холбоотой ч байж болзошгүй аж.
Нийт 770 мянган тн мөнгөний нөөцтэй тус орд алт болон газрын ховор метальтай юм. Эрдэс баялгийн гарцаа нуух замаар олборлож ирсэн тус компанийг 154 мянган тн хүдэр экспортонд гарах гэж байхад нь зогсоосон байна. Одоо уурхайд орших овоолгод 100 сая долларын хүдэр байгаа аж. Уурхай нийт 200 метр гүн ухагдах боломжтойгоос одоогоор 60 гаруй метр гүн ухжээ.
Ийнхүү урд хөршийн хууль зөрчсөн хөрөнгө оруулагчдын үйлдэлд цэг тавьж, тусгай зөвшөөрлүүдийг нь цуцалж улсын мэдэлд авсан үйл явдал болсон тухай холбогдох албаныхан онцолж байна.
Сэтгэгдэл бичих