Нийгмийн сүлжээнд нэгэн иргэн хүчирхийлэлд өртсөн эмэгтэйн тухай мэдээлэл байршуулсан. Тодруулбал Баянхошууны хөтөлд байрлах автобусны буудлын дэргэд 23-25 насны 3-4н залуу нэг эмэгтэйг зам дээр зодож хүчээр автомашиндаа суулгаж авч явсан. Үүнийг харсан иргэн машинаасаа бууж очоод болиулах гэтэл жолооч нь ‘Гэр бүлийн асуудал чамд хамаагүй’ гэсэн тухай мэдээлэл цацсан.
Энэ талаар цагдаагын байгууллагаас тодруулахад ‘Шалгалтаар эмэгтэйг хүчирхийлсэн залуу гэр бүлийн хамаарал бүхий хүн, маргааны улмаас ийм хэрэг болсон нь тогтоогдсон. Хамт явсан залуус нь тухайн залуугийн найзууд болох нь тогтоогдсон. Хүчирхийлэл үйлдсэн залуу архи согтууруулах ундаа хэрэглэсэн эсэх нь одоогоор тодорхой биш байна. Сонгинохайрхан дүүргийн цагдаагийн хоёрдугаар хэлтсээс холбогдох шалгалтын ажиллагааг явуулж байна гэлээ.
Сэтгэгдэл бичих