‘Зүүнбаян төмөр зам’ ХХК-д олон улсын нэгдсэн менежементийн тогтолцоог нэвтрүүлэх ажлын хүрээнд ‘Монсертф’ ХХК-ийнхан анхдагч баталгаажуулалтын нэгдүгээр шатны аудитын дүгнэлтээ өнөөдөр танилцууллаа. Хуралд тус компанийн Гүйцэтгэх захирал Д.Банзрагч, дэд захирал Т.Сайнжаргал, Ерөнхий инженер С.Сумъяадорж болоод стандарт нэвтрүүлэх төслийн багийнхан оролцлоо.
Аудитын дүгнэлтийг боловсруулахын тулд холбогдох албаныхан ‘Зүүнбаян төмөр зам’ ХХК-ийн дунд шатны стратеги төлөвлөлт, бодлогын баримт бичиг, байгууллагын дотоод дүрэм, журам зэрэг бичиг баримтуудад дүн шинжилгээ хийж, 90 хоногийн дотор мэргэжлийн хүмүүсийн өгсөн зөвлөмжийн дагуу сайжруулах ажил цаашид хийгдэнэ.
Хурлын үеэр тус компани байгууллагдсан цагаасаа хойш өнөөдрийг хүртэлх хугацаанд чадварлаг боловсон хүчнээр багаа бүрдүүлж, холбогдох бичиг баримтын бүрдэлд анхаарал хандуулж чадсан талаар аудитын багийнхан онцолж, төмөр замын салбартаа олон улсын чанарын удирдлагын тогтолцоог нэвтрүүлсэн жишиг байгууллага болох боломж бүрэн байгааг онцоллоо. Баталгаажуулалтын анхан шатны аудитын дүгнэлтийг ‘Монсертф’ ХХК-ийн Ерөнхий захирал Г.Билгүүн, Аудитын багийн ахлагч Б.Энхтөгс, тэргүүлэх аудитор Ц.Мөнхзул, Б.Энхтүвшин нар танилцууллаа.
Сэтгэгдэл бичих