УИХ-ын чуулганы өнөөдрийн /2018.12.21/ нэгдсэн хуралдаан ирц бүрдээгүй гэх шалтгаанаар дахин хойшиллоо. Ингэснээр байнгын хорооны үйл ажиллагаа гурван долоо хоног, чуулганы нэгдсэн хуралдаан зургаа дахь удаагаа хойшилж байна. Өнөөдрийн чуулганы нэгдсэн хуралдаанд 75 гишүүн оролцох ёстойгоос 34 нь хүрэлцэн ирсэн юм.
Харин гурав нь гадаадад, хоёр нь орон нутагт томилолттой яваа бол нэг гишүүн чөлөөтэй, хоёр гишүүн эмнэлгийн чөлөөтэй байжээ. Энэ удаагийн чуулганы нэгдсэн хуралдаанаар гишүүд Ерөнхийлөгч Х.Баттулга, Ерөнхий сайд У.Хүрэлсүх нарын мэдээллийг сонсохоор төлөвлөөд байсан аж. Гэвч хуралдааны ирц бүрдээгүй юм. Тиймээс УИХ-ын дэд дарга Л.Энх-Амгалан чуулганы хуралдаандаа суухгүй, тасалж байгаа гишүүдийн цалинг хасах саналыг гаргаснаар хуралдааныг хаалаа.
Сэтгэгдэл бичих