Ерөнхий сайд Л.Оюун-Эрдэнэ өчигдөр Хавдар судлалын үндэсний төв, Халдварт өвчин судлалын үндэсний төвд ажилласан.
Ингэхдээ Засгийн газраас нийт 2.8 тэрбум төгрөгийн дэмжлэгийг эмч, эмнэлгийн ажилтнуудад олгохоор болсноо дуулгасан юм. Тодруулбал, ‘Цар тахлын эсрэг ажиллаж байгаа 2230 эмч, эмнэлгийн ажилчдад нэг сая төгрөгийн, 1100 резидент эмч тус бүрт 500 мянган төгрөгийн нийт 2.8 тэрбум төгрөгийн урамшуулал олгоно.
Энэ асуудлыг маргаашийн Засгийн газрын ээлжит хуралдаанаар шийдвэрлэхээр төлөвлөж байна’ гэсэн юм. Үүнийхээ дагуу Засгийн газрын хуралдаанаар шийдвэр гаргаж, эмч, сувилагч, ажилтан тус бүрт нэг сая, резидент эмч тус бүрт 500 мянган төгрөгийн дэмжлэг, урамшуулал олгохоор боллоо. Шаардагдах хоёр тэрбум 780 сая төгрөгийг Засгийн газрын нөөц сангаас гаргах юм байна.
Сэтгэгдэл бичих