УИХ-ын чуулганы үдээс хойших хуралдаанаар УИХ-ын гишүүн Т.Доржхандын Монгол Улсын Ерөнхий сайдад хандан kopoнaвиpyc цар тахлын улмаас гадаадад гацсан иргэдийг эх орондоо ирэх нөхцөлөөр хангах, бодит дэмжлэг үзүүлэх талаар тавьсан асуулгын хариуд Гадаад харилцааны сайд Б.Батцэцэг ийнхүү хариулав.
Тэрбээр ‘Тусгаарлалтын хоногийг бууруулж, нислэгийн тоог нэмэгдүүлж гадаадын агаарын тээврийн нислэгийг шат дараатай сэргээж байна. Ингэснээр яаралтай нутаг буцах хүсэлтэй бүх иргэнээ тавдугаар сарын 1 гэхэд эх орондоо ирүүлнэ.
Түүнчлэн Улсын Онцгой комиссоос өгсөн үүргийн дагуу МИАТ компани нислэгийн тийзийн үнээ гуравдугаар сарын 1-ээс эхлэн 15 хувь болгон бууруулсан. Цаашид Монгол Улсын хилийн тавдугаар сарын 1-ээс эхлэн шат дараатай нээх тул тавдугаар сараас тусгай үүргийн нислэгийг зогсоож тогтмол хуваарьт нислэг рүү шилжүүлнэ. Дөрөвдүгээр сард зарласан тусгай үүргийн нислэгээр ирэх иргэд тийзээ шууд худалдаж авна’ гэв.
Сэтгэгдэл бичих