Хан-Уул дүүргийн 15-р хороо Рапид харш хотхонд хөл хорио тогтоож, 48 цагийн дотор 3,659 хүнээс шинжилгээ авч 12 хүн шинээр халдвар авсныг тогтоожээ.
Ариутгал халдваргүйтэл хийж, өнөөдөр 09:00 цагт хамгаалалтыг буулгасан байна. Харин вакцинжуулалт 11:00 цагт тус хотхоны ойролцоох 130 дугаар сургууль дээр эхэлжээ.
Рапид харшид гуравдугаар сарын 18-ны өдрийн 06:00 цагаас эхлэн 72 цаг хүртэлх хугацаанд хязгаарлалтын дэглэм тогтоогоод байсан юм.
Учир нь тухайн хэсэгт 2021 оны хоёрдугаар сарын 1-ний өдрөөс хойш нийт 36 иргэнээс коронавирусийн халдвар илэрсэн тул хэсэгчилсэн хязгаарлалт тогтоож, тус байршлын бүх өрхийн иргэдээс 72 цагийн хугацаанд багтан PCR шинжилгээ авч, вакцинжуулалтад хамруулах зэрэг арга хэмжээ авахаар төлөвлөсөн талаар тус дүүргийн Онцгой комиссоос мэдээллээ.
Сэтгэгдэл бичих