Ардчилсан нам ирэх дөрөвдүгээр сарын 25-нд нийт гишүүдийнхээ дунд санал хураалт явуулж, шинэ даргаа сонгох болжээ. Энэ асуудлаа Дотоод сонгуулийн хороо хуралдан дээрх шийдвэр гаргасан байна. Ингэхдээ Ардчилсан намын даргад нэр дэвшигчдийг ирэх гуравдугаар сарын 15-наас эхлэн бүртгэх бол гуравдугаар сарын 25-наас сурталчилгаа хийнэ. Үндсэндээ сурталчилгаа нь сарын хугацаатай үргэлжилэх ба Нэг үгээр хэлбэл, тус намын удирдлага бүх гишүүдийнхээ санал хураалтаар тодрох болж байна.
Мөн орсон гарсан мандатын суудлууд дээр Үндэсний бодлогын хорооны гишүүнийг нөхөн сонгох сонгууль ч зарлагдах юм. Бүртгэлийг маргааш эхлүүлэхээр болжээ.
Ардчилсан нам шинэ даргаа тодруулах сунгааг зарлах болсон тул Соёлын сайд асан Ц.Оюунгэрэл нэрээ дэвшүүлэн өрсөлдөхөө мөн цахим хуудсаараа дамжуулан мэдэгдлээ.
Цар тахлаас шалтгаалж, намын даргыг тодруулах сунгаа цахимаар зохион байгуулагдах аж.
Сэтгэгдэл бичих