Ерөнхий боловсролын сургуулийн танхимын хичээлийг гуравдугаар сарын 1-нээс эхлүүлэх байр суурьтай байгаагаа БШУ-ны сайд Л.Энх-Амгалан илэрхийллээ.
Тэрээр хэлэхдээ ‘Сурагчид маш их хоцрогдолтой байгаа. Нэг хичээлийн жилд 165-180 хоног хичээллэх ёстой. Гэтэл өнгөрсөн онд 80 гаруй хоног цахим, теле хэлбэрээр хичээллэснээс болоод нийт сурагчийн 70-80 хувь нь хоцрогдолд орсон байна.
Миний бас нэг санаа зовж байгаа зүйл бол цахим, теле хичээл орж байх үеэр 174 мянган хүүхэд гар утас, компьютергүй, интернэтийн сүлжээгүй газарт байна. Улаанбаатар хотод гэхэд гэр нь цахилгаанд холбогдоогүй 30 мянган өрх байна гэдэг судалгаа бий. Тэдгээр өрхийн хүүхдүүдэд анхаарлаа хандуулъя гэж бодож байгаа’ гэв.
KOВИД 19-ийн өндөр дэглэмтэй байгаа дэлхийн 130-аад улс орон Ерөнхий боловсролын сургуулийн хичээлээ явуулж байгаа юм билээ. Тиймээс миний УОК-т илэрхийлсэн байр суурь, цаашлаад Засгийн газрын хуралдаанаар хэлэлцүүлэх асуудал бол гуравдугаар сарын 1-н гэхэд улс даяар танхимын хичээлийг явуулах асуудал юм.
Нийслэлд санаа зовоож байгаа нэг зүйл байгаа, тэр нь юу гэхээр зарим сургуулийг PCR шинжилгээ авах төв болгочихсон байгаа. Тиймээс гуравдугаар сарын 1-нээс өмнө ариутгал, халдваргүйтгэлийн асуудлыг шийднэ бүрэн шийдвэрлэх шаардлагатай болоод байна.
Нөгөө талаасаа сурагчид хичээлийн хоцрогдолтой, цахим орчинд байх боломж муу байгаа гэж гэр бүлийнхэн нь бухимдалтай байгаа хэдий ч цар тахал энэ хэвээрээ улс орон даяар тарчихвал хичээл сургуульдаа явах сурагчидад өндөр эрсдэлтэй болох юм. Тиймээс гуравдугаар сарын 1-нээс хичээл орох нь зөв үү? Буруу юу?
Сэтгэгдэл бичих