Ерөнхийлөгч Мүн Жэ Ин 1972 онд Их удирдагч Ким Чен Ирийн суулгасан модыг

1972 оны 8-р сарын 18-ны өглөө Хойд -Өмнөд Солонгосын хилийн цэрэггүй бүсэд Өмнөдийн болон Америкийн 12 цэргийн албан хаагч сүх, хөрөө барин хилийн зурвас руу алхжээ. Тэд НҮБ-ын ажиглах байрны ажиглалтын цэгийн харах өнцгийг хааж хилийн зурвасд суулгасан өтгөн саглагар моддыг тайрах үүрэг авсан байв. Модыг дөнгөж тайрч эхэлтэл Хойд Солонгосын хилийн цэргүүд ирж ажиллагаагаа зогсоохыг шаарджээ. Уг модыг их удирдагч Ким Чен Ир өөрийн гараар суулгасан тул хойдынхонд маш эрхэм нандин гээд тайрахыг эсэргүүцсэн байна. Гэсэн ч өмнөдийнхөн ажлаа зогсоогүйд хойдынхон сүх хүрз дайлан дайрчээ.

Цуст мөргөлдөөн гарч хоёр америк цэрэг сүхэнд цавчуулж амиа алдсан бол үлдсэн арав нь хүнд гэмтсэн. Энэ явдлаас хойш гурав хоногийн дараа америк, өмнөдийнхөн их удирдагч нь суулгасаныг үл харгалзан хаалт болж буй моддыг тайрах тусгай ажиллагаа эхлүүлжээ. Уг ажиллагааг үлгэрт гардаг сайхан сэтгэлт модчин “Paul Bunyan” –ы нэрээр нэрлэсэн.

Мод тайрах ажиллагааг Америкийн инженерийн анги Өмнөдийн тусгай хүчний хамгаалалт дор 45 минутанд багтаан хийж дуусгажээ.

Энэ ажиллагаанаас болж зэвсэгт мөргөлдөөн гарч болзошгүй тул хилийн зурвасд Окинавагаас ирсэн 12 мянган далайн явган цэргийг ойртуулан байрлуулсан.

Нөхцөл байдал хүндэрсэн үед дэмжлэг үзүүлэхээр нисэх онгоц тээгч USS Midway –г татаж авчирсан байжээ. Уг ажиллагаанд тухайн үед Өмнөд Солонгосын армийн тусгай ангид алба хашиж байсан одоогийн ерөнхийлөгч Мун Жэ Ин оролцсон.

Америк болон Өмнөдийнхөн “Paul Bunyan” ажиллагааг гэнэт мөн маш хурдан гүйцэтгэсэн тул Хойдынхон их удирдагчийнхаа тарьсан модыг хамгаалж чадалгүй тайруулжээ.

NUUTS.mn