Хөвсгөл аймгийн Ханх суманд өнөө өглөө /2021.01.12/ үүрээр Газар хөдөлсөн талаар аймгийн засаг дарга Ш.Идэрбаясгалан мэдээллээ. Тэрээр “Өнөөдөр 05:32 цагт Ханх сумаас баруун урагш 26 км-т төвтэй 6,5 магнитудын газар хөдлөлт боллоо. Үүнээс хойш 10 удаагийн 4-ээс дээш магнитудын хүчтэй газар хөдлөлт мэдрэгдсэн. Хөвсгөл аймгийн Одон орон геофизикийн станцийн мэдээллээр Хөвсгөл булган эрдэнэт төв завхан аймгуудад ОХУ-ын хил залгаа хотуудад мэдрэгджээ.
Ханх суманд 30 орчим удаагийн чичирхийлэл нэг цагийн хугацаанд мэдрэгдсэн. Сумын Засаг даргын мэдээллээр хүний амь нас хохироогүй. Байшин барилгын шавар нурсан, цуурсан гэсэн. Иргэдийн хувьд айдаст автсан учир сумын Засаг даргатай хэлэлцэн Ханх сумын иргэдийг тайван байлгахаар өнөөдөр ажиллуулахгүй байхаар шийдвэрлэсэн. Аймгийн онцгой комиссын дүн шинжилгээ 11:00 цагт бэлэн болно. Барилга байгууламжийг 6-8 магнитудад тэсвэртэй байх чанар стандартад нийцүүлж барих шаадрлагатай байгаа нь харагдаж байна. Иргэдийг тайван байхыг хүсэж байна” гэлээ.
Сэтгэгдэл бичих