Н.Тавинбэх сайд өнөөдөр цахилгааны үнэ нэмэгдсэн эсэх талаар мэдээлэл хийнэ

Засгийн газраас 2020 оны арванхоёрдугаар сарын 1-ээс эхлэн айл өрх, зарим аж ахуй нэгжийн цахилгааны төлбөрийг тэглэх шийдвэр гарсан. Гэвч цахилгааны хэрэглээ нэмэгдэж, ачаалал үүссэнтэй холбоотойгоор айл, өрхүүд өмнөх хэрэглээнээсээ давсан бол илүү цахилгааны төлбөрөө өөрсдөө төлөх зохицуулалт хийсэн. Харин энэ өдрүүдэд айл өрхийн цахилгааны хэрэглээ огцом өсч, төлбөр нь өмнөхөөсөө нэг дахин өндөр гарч байна гэх мэдээлэл олон нийтийн сүлжээнд тархаад буй. Хүмүүс ч Засгийн газар цахилгаан тэглэж байгаа нэрийн дор өмнөх төлбөрөө авч байна гэж шүүмжилж байгаа юм. Тэгвэл энэ талаар Эрчим хүчний сайд Н.Тавинбэх өнөөдөр /2021.01.02/ албан ёсоор тайлбар мэдээллийг 12.00 цагт Төрийн ордонд өгөхөөр болсон байна.