Автобус-1 баазын жолоочоос коронавирусийн халдвар илэрсэнтэй холбоотойгоор тус баазын автобуснууд шугаманд гаргахгүй байсан билээ. Мөн бүх ажилтан, албан хаагчдад шинжилгээ хийн, 48 хүнийг тусгаарлаад байсан юм. Улмаар тус байгууллагын нийт 480 ажилтнаас гурван удаа PCR шинжилгээ авахад бүгд сөрөг гарсан байна.
Мөн тус баазын 154 тээврийн хэрэгслийг гурван удаа ариутгаж, цэвэрлэгээ хийн, жолоочийн кабиныг зорчигчдоос бүрэн тусгаарлах хаалт хийжээ. Мөн техникийн аюулгүй байдлыг ханган үйлилгээнд гаргасан байна.
Цаашид цар тахлаас урьдчилан сэргийлэх зорилгоор халдвар хамгааллын дэглэмийг сахиж, эрүүл мэндийн байгууллагаас өгч байгаа зөвлөмжийг дагаж мөрдөхийг нийт ажилтан албан хаагчдадаа сануулж ажиллана хэмээн Зорчигч тээврийн нэгтгэл ОНӨААТҮГ-аас мэдээлэв.
Сэтгэгдэл бичих