MАН-ын Удирдах зөвлөлийн хурал яг одоо Ерөнхий сайд У.Хүрэлсүхийн өрөөнд үргэлжилж байна. Эх сурвалжийн мэдээлж буйгаар энэ удаагийн Удирдах зөвлөлийн хурлаар нэр бүхий гишүүдэд хариуцлага тооцох асуудлыг хөндөж байгаа аж.
Тухайлбал, УИХ-ын дарга М.Энхболд, УИХ дахь МАН-ын бүлгийн дарга Д.Хаянхярваа, Хотын дарга С.Батболд нарыг албан тушаалаас нь чөлөөлж, хариуцлага тооцох асуудлыг Ерөнхий сайд У.Хүрэлсүх Удирдах зөвлөлийн хуралдаа оруулж иржээ. Тэгвэл хэдхэн минутын өмнө Хотын дарга С.Батболд намынхаа Удирдах зөвлөлийн хуралд оролцохоор Ерөнхий сайдын өрөө рүү орлоо.
Харин Удирдах зөвлөлийн зарим гишүүн Жижиг, дунд үйлдвэрийг хөгжүүлэх сангаас зээл авсан хэрэгт нэр холбогдсон Я.Содбаатар, Н.Цэрэнбат нарын сайдыг ч албан тушаалаас нь чөлөөлж, хариуцлага тооцох ёстой гэх саналыг гаргасан байна. МАН-ын Удирдах зөвлөлийн хурал үргэлжилж байна.
Сэтгэгдэл бичих