Cүүлийн үед цахим хэвлэлээр ХЭҮК-ийн гишүүн П.Оюунчимэгийн талаар сэтгүүлч Будрагчаа цуврал нийтлэл тараан олон нийтэд ташаа мэдээлэл тарааж, энэ мэдээллээрээ өмнө нь Зөрчлийн хуулийн дагуу шийтгэл хүртэж байсан нь тогтоогджээ. Түүний хувьд мэргэжлийн ёс зүйн алдаа гарган ташаа мэдээлэл тарааж байгаа хэмээн үзэж байгаа юм. Хэвлэл Мэдээллийн Зөвлөлийн Ёс зүйн хороодын 2015 оны 04 дүгээр сарын 14-ны өдрийн нэгдсэн хуралдааны нэгдүгээр тогтоолын хавсралтаар “Хэвлэл мэдээллийн ёс зүйн зарчим”-ийг боловсруулсан билээ.
Уг зарчмын :
“1.1 Мэдээлэл нь үнэнд нийцсэн эсэхийг баталгаажуулж, САНАМСАРГҮЙ АЛДАА ГАРГАХААС ЗАЙЛСХИЙНЭ.
1.3 Бүтээлийн гарчиг, зураг, дүрс, дуу, график, ишлэл зэрэг нь АГУУЛГЫГ БУРУУГААР ОЙЛГУУЛАХ, хэт хялбарчлах, мэдээллийг нөхцөл байдлаас салгаж мушгин гуйвуулах ёсгүйг үргэлж санаж, ийм зөрчил гаргахгүйн төлөө ажиллана.
1.4 Фото, видео, аудио мэдээллийн агуулгыг техникийн арга хэрэгслээр ГУЙВУУЛАХГҮЙ.
1.5 Нөлөөллийн болон мэдээллийн бүтээлийг ялгаж, мэдээнд үзэл бодол оруулахаас татгалзана.
1.6 Баталгаагүй мэдээлэл, таамаглал, ам дамжсан яриаг таамаг хэмээн тодорхой дурьдана.
1.7 Хэвлэлийн мэдээг өөрчлөлтгүйгээр нийтэлж, нэвтрүүлбэл редакцийн агуулгаас ялгаж тэмдэглэнэ.
1.8 Буруутгагдсан, шүүмжлэгдсэн этгээдэд тайлбар өгөх боломж олгоно” гэж заасан байдаг.
Монгол улсын бүх сэтгүүлчид хамааралтай энэхүү ёс зүйгээ сэтгүүлч С.Будрагчаа зөрчсөн болох нь түүний эх сурвалжийн тайлбараар тогтоогджээ. Тодруулбал, Livetv.mn сайтын сэтгүүлч С.Будрагчаа нь цуврал нийтлэл бэлтгэхдээ бичлэгийг эвлүүлж, бодит байдлаас өөрөөр ойлгогдохоор олон нийтэд түгээсэн байна. Энэхүү үйлдэлд тухайн цуврал бүтээлийн эх сурвалж дараах тайлбарыг гаргасан байна.
Асуудлыг эргэн сануулахад, ХЭҮК-ийн гишүүн П.Оюунчимэг өөрийн албан тушаалаа ашиглан хүүхдээ бусдын байранд таван жил үнэгүй суулгасан гэх ташаа мэдээллийг livetv.mn сайтын сэтгүүлч С.Будрагчаа нь бэлтгэсэн. Ингэхдээ баримтыг гуйвуулсан, хэт нэг талыг барьсан мэдээлэл бэлтгэсэн бөгөөд энэ бүхэн нь худлаа гэдгийг түүний эх сурвалж нь тайлбар хийжээ. Үүнээс гадна сэтгүүлч С.Будрагчаа ХЭҮК-ийн гишүүн П.Оюунчимэгийн нэр төрд халдсан болохыг цагдаагийн байгууллагаас тогтоосон байдаг. Өөрөөр хэлбэл сэтгүүлч С.Будрагчаа ХЭҮК-ийн гишүүн П.Оюунчимэгт хувийн өс санаж ийнхүү нэр төрд нь халдсан болох нь тогтоогдсон.
2020 оны 2-р сарын 17-нд Сүхбаатар дүүргийн эрүүгийн хэргийн анхан шатны шүүхээс дээрх хэргийг шийдвэрлэн С.Будрагчааг Зөрчлийн тухай хуулийн 6.21 дүгээр зүйлийн 1 дэх хэсэгт зааснаар 2019 оны 1-р сарын 07-ны өдөр, 2019 оны 12-р сарын 14-ний өдрүүдэд LIVETV.MN сайтаар П.Оюунчимэг, түүний хүү Б.Жавхлантөгс нарын нэр төрд халдаж, гутаан доромжилсон, худал мэдээллийг нийтэд тараасан гэх үндэслэлээр хоёр сая төгрөгөөр торгох шийтгэл оноосон юм.
Эх сурвалж: Ulstur.com
Сэтгэгдэл бичих