Өчигдөр буюу арваннэгдүгээр сарын 7-ны өдөр бага насны хүүхэд цонхоор унаж амиа алджээ. Тодруулбал, Чингэлтэй дүүргийн гуравдугаар хорооны нутаг дэвсгэрт байрлах нэгэн орон сууцны таван давхраас арван настай хүүхэд унасан гэх дуудлага цагдаагийн байгууллагад иржээ.
Дуудлагын дагуу цагдаагийн бие бүрэлдэхүүн очих үед хүү таван давхраас унаж, нас барсан байжээ. Хэргийн урьдчилсан дүгнэлтээр хүүг хэн нэгэн түлхсэн байж болзошгүй нөхцөл байдал илэрсэн байна.
Эх сурвалжийн мэдээлж буйгаар амиа алдсан арван настай хүүгийн аав, ээж нь хоёр талаасаа хоёр хүүхэдтэй нэг гэр бүл болсон бөгөөд талийгаач хүү тэдний дундаас гарсан хамгийн бага нь байжээ. Талийгаач хүүгийн ээж дагавар том хүүгээ дүүгээ түлхсэн гэж гомдол мэдүүлээд байгаа аж.
Одоогоор цагдаагийн бие бүрэлдэхүүн хэргийн газрыг хамгаалалтад авч, шаардлагатай нотлох баримтуудыг хэрэгт хавсаргаад байна. Хэргийг Чингэлтэй дүүргийн цагдаагийн нэгдүгээр хэлтэст мөрдөн шалгаж эхэлжээ.
Сэтгэгдэл бичих