‘Цэцэрлэгийн бүртгэл цахимаар хийгдэхгүй’ гэх мэдээлэл гарсны учир нь энэ жил хоёр настай хүүхдүүдийг цэцэрлэгт авахгүй байх шийдвэр гарсантай холбоотой байв. Харин эцэг эхчүүдийн дийлэнх хувь нь хүүхдээ хоёр нас хүрмэгц цэцэрлэгт бүртгүүлдэг. Тийм учраас энэ жил тэд асуудалтай тулгараад буй нь өвөл хоёр настай хүүхдүүдийн өвчлөлийн хувь өндөр байдаг аж. 3-5 насны хүүхэдтэй харьцуулахад дархлаа тогтолцооны систем сул хөгжсөн, ханиад томуу амархан хүрдэг тул хоёр настнуудын ирц ч өвлийн улиралд эрс багасдаг гэнэ.
Сайд Л.Цэдэвсүрэнгийн наймдугаар сарын 6-ны А/17 тоот тушаалын дагуу уг асуудлыг зохицуулах түр журам батлагдсан. Үүгээр улсын хэмжээнд нэгдсэн байгууллагууд цэцэрлэгүүдээр явж, ариутгал халдваргүйжүүлэлт хийнэ.
Мөн давхар цэцэрлэгүүд дотроо хийх ариутгал, халдваргүйжүүлэлтийг ч тусгаж өгсөн. Хүүхдийг өглөө хүлээж авахдаа халууныг нь үзнэ, халуунтай, халдварт өвчний шинж тэмдэг илэрсэн хүүхдийг нэвтрүүлэхгүй бөгөөд анги дотор амны хаалт зүүхгүй гэв.
