2020 онд Монгол Улсад аялахаар төлөвлөж, захиалга өгөөд байсан жуулчдын 70 хувь нь ирэхээ больсон гэх судалгааны дүн гарсныг Монголын аялал, жуулчлалын холбоо мэдээллээ. “COVID-19”-ийн тархалт аялал, жуулчлалын салбарт бизнес эрхлэгчдэд ийнхүү эрсдэл учруулж эхэлсэн байна. Хамгийн сүүлд тооцсоноор аялал, жуулчлалын салбар 2018 онд 577 мянга гаруй жуулчин хүлээн авч 569 сая ам.долларын ашигтай ажиллаж байв. Энэхүү үзүүлэлт 2020 онд 24 хувиар өсөх хүлээлттэй байсныг Монголын аялал, жуулчлалын холбооны Гүйцэтгэх захирал Д.Отгонбаяр онцолсон юм.
Монгол Улсад ирж буй жуулчдын 31 хувь нь БНХАУ, 26 хувь нь ОХУ, 16 хувь нь БНСУ, дөрвөн хувь нь Японы иргэд
Хэдий тийм боловч хорио цээрээс хойш жуулчид аяллын оператор компаниудад хандан аяллаа эрчимтэй цуцалж эхэлснээр энэ онд ямар ч орлогогүй өнжиж мэдэхээр байгаа ажээ. Түүнчлэн хэрэв байдал хүндэрсээр байвал дотоодод 50-60 мянган ажлын байр бий болгодог тус салбарт компаниуд ажилтнуудаа цомхотгохоос өөр аргагүйд хүрэх юм байна. Монгол Улсад ирж буй жуулчдын 31 хувь нь БНХАУ, 26 хувь нь ОХУ, 16 хувь нь БНСУ, дөрвөн хувь нь Японы иргэд бол үлдсэн нь Европ болон АНУ-аас ирдэг байна.
Б.Энхжин
Сэтгэгдэл бичих