Анх Хятадын Ухань хотоос илэрсэн коронавирусийн халдвар өнөөдрийн байдлаар дэлхийн 122 оронд тархаж ДЭМБ–аас энэхүү халдварыг цар тахлын хэмжээнд хүрсэн гэдгийг албан ёсоор мэдэгдсэн. Хөрөнгө чинээтэй хүчирхэг улс гүрнүүд ч энэхүү халдварын эсрэг өмнө хүчин мөхөстөж эдийн засаг болон эрдэнэт хүмүүсийн амиар хангалттай хохирсон. Хятад улс урьдчилан сэргийлэх арга хэмжээ, хөл хориог хожуу авснаас болж хүн 100 мянга гаруй иргэд халдвар авч 4000 хүнээ алдсан нь харамсалтай. Мөнхийн хөрш болсон ОХУ болон Хятад улсад коронавирусийн халдвар бүртгэгдсэн даруйд манай улс уг цар тахлын эсрэг арга хэмжээг шуурхай авч ард иргэдээ маскаа байнга зүүж, гараа тогтмол угаах шаардлагатайг анхааруулсан. Дөнгөж өндийж буй эдийн засагт маань ихээхэн хохиролтой ч ард иргэдээ нэгдүгээрт тавьж хилээ хаасан, бусад улс орон иргэдээ Ухань хотоос авчрахын тулд иргэн бүрээсээ төлбөр авч байхад манай Засгийн газар бүх зардлыг гаргасан. Мэргэжлийн бус сайдтай хэмээн үргэлж л гоочлогддог байсан манай Эрүүл Мэндийн Яам харин ч Том гүрнүүдийн шуурхай хийж чадаагүй ажлыг хийж чадсан. Гурван сарын хугацаанд 3 сая иргэдээс маань нэг ч халдварын тохиолдол илрээгүй нь төр засагтаа баярлах нь зүйн хэрэг.
Эрүүл мэндийн салбар бүтэн 3 сар гаруй хугацаанд ард иргэдийнхээ төлөө унтаж амрахыг умартан ажиллаж байгаа. Бидний эрүүл мэнд, амь насны төлөө цаг өдөргүй ажиллаж байгаа эрүүл мэндийн сайд болоод аюулт өвчнөөс хүн ардаа хамгаалахын төлөө цаг наргүй хүчин зүтгэж байгаа тэдний хичээл зүтгэлийг бид үгүйсгэж үл болно.
Сэтгэгдэл бичих