“Dropbox”-ийн Гүйцэтгэх захирал Дрю Хьюстон “Facebook”-ийн Төлөөлөн удирдах зөвлөлд орохоор боллоо.
Тэрбээр файл хуваалцах программ хангамжийн компанийг 2007 онд хамтран үүсгэн байгуулсан байна. Мөн “Facebook”-ийн Гүйцэтгэх захирал Марк Закербергтэй найз гэдгээрээ алдартай юм. 2015 онд “Bloomberg”-ийн Эмили Чангтай ярилцаж байх үедээ тэрбээр “Компаниа удирдах талд Марк Закерберг надад маш олон зөвлөгөө өгч байсан” гэж хүртэл хэлж байжээ. Дрю Хьюстон “Facebook”-ийн Төлөөлөн удирдах зөвлөлийн найм дахь гишүүн болох бөгөөд Марк Закербергт зөвлөх үүрэг хүлээх юм байна.
“Олон сая хэрэглэгч, бизнесүүдийн хэрэглээ болсон үйлчилгээг хүргэдэг технологийн компанийн удирдлагын хувиар Дрю Хьюстон Төлөөлөн удирдах зөвлөлд үнэ цэнтэй алсын хараа бий болгож чадна” гэж Марк Закерберг үзэж байна.
Б.Ариунболд
Эх сурвалж: Bloomberg.mn
Сэтгэгдэл бичих