Улаанбаатар хотод шагайн харвааны спортыг хөгжүүлэх, олон нийтэд түгээн дэлгэрүүлэх зорилготой “Их хүрээ харваа” аварга шалгаруулах тэмцээн өнөөдөр албан ёсоор нээлтээ хийлээ.
Тус тэмцээнийг Нийслэлийн шагайн харвааны салбар холбоо болон “Их хүрээ шагайн харвааны холбоо”-ноос зохион байгуулж байгаа бөгөөд энэ жилээс эхлэн уламжлалт “Нийслэлийн цом” тэмцээнийг “Их хүрээ харваа” нэрийн дор шинэчлэн зохион байгуулж буйгаараа онцлог болж байна.
Нээлтийн үеэр зохион байгуулагчид тэмцээний зорилго, ач холбогдлыг онцлон тэмдэглэж, шагайн харвааны өв соёлыг залуу үед өвлүүлэн үлдээх, өрсөлдөөнт орчныг нэмэгдүүлэхэд энэхүү тэмцээн чухал үүрэгтэйг дурдсан юм.
“Их хүрээ харваа” тэмцээн нь цаашид жил бүр энэхүү нэрээрээ уламжлал болон зохион байгуулагдаж, шагайн харвааны спортын хөгжилд бодит хувь нэмэр оруулах зорилготой юм.
Сэтгэгдэл бичих