Ерөнхий сайд Н.Учрал ОХУ, Казахстанд ажиллаж буй Аж үйлдвэр, эрдэс баялгийн сайд Г.Дамдиннямтай утсаар холбогдож шатахууны асуудлаар мэдээлэл авчээ.
Ярилцсан мэдээллийн талаарх бичлэгийг тэрбээр цахим хуудастаа нийтэлсэн бөгөөд салбарын сайд түлш, шатахууны үнэ өсөхгүй, тогтвортой нийлүүлнэ гэсэн мэдээллийг өгөв.
Тодруулбал Г.Дамдинням сайд “ОХУ-д манай баг ажиллалаа. Энэ хүрээнд нэлээд яриа хэлэлцээ хийсний дүнд тохиролцоонд хүрлээ.
Үндсэндээ тавдугаар сард нэг литр дизель түлшний үнэ хамгийн багадаа 6250-6700 төгрөгт хүрэх эрсдэлтэй байсан.
Бид таны өгсөн захидал, албан хүсэлт бусад зүйлийг уламжилсан. ОХУ манай Засгийн газрын тавьсан дотоодын зах зээлд суурилсан үнээр шатахуун өгөхийг зөвшөөрсөн сайн мэдээтэй байна.
Өөрөөр хэлбэл тавдугаар сард шатахууны үнэ өсөхгүй, өнөөдрийн байгаа үнээр худалдаална” гэв.
Сэтгэгдэл бичих