Боловсролын сайд П.Наранбаяр, Эрчим хүчний сайд Б.Чойжилсүрэн нар өөрийн хүсэлтээр үүрэгт ажлаасаа чөлөөлөгдөх хүсэлт гаргасантай холбогдуулан Засгийн газраас шинэ томилгооны санал боловсруулаад байна.
Тодруулбал, Боловсролын сайдын албан тушаалд Л.Энх-Амгаланг, Эрчим хүчний сайдын албан тушаалд Б.Найдалааг томилохоор шийдвэрлэжээ.
Эдгээр томилгоог өнгөрсөн долоо хоногт УИХ-ын чуулганы нэгдсэн хуралдаанаар танилцуулахаар төлөвлөсөн ч улс төрийн нөхцөл байдлын улмаас хойшлогдсон юм. Тухайлбал, Ардчилсан намын бүлэг бойкот зарлаж, харин Монгол Ардын намын бүлэг ирцээ бүрдүүлж чадаагүйгээс хэлэлцэх боломжгүй болсон байна.
Харин уг асуудлыг энэ долоо хоногийн пүрэв гарагт болох УИХ-ын чуулганы нэгдсэн хуралдаанаар дахин хэлэлцэхээр төлөвлөжээ.
Сэтгэгдэл бичих